Meme Alan

Roger Lescot

Henüz puanlanmamış

0 paylaşım

Okuma Kaydı Raf

Sêyemîn çapa “Memê Alan“ ku navdartirîn destanê kurdî ye û ji aliyê Roger Lescot ve hatiye berhevkirin, di nav weşanên Avesta de derket. Yekem çapa memê Alan li Avesta di 1997an de derketibû, tevî çapa dawî heta niha 5000 heb hatiye çapkirin.Celadet Alî Bedirxan, ji bo “Memê Alan“ wiha dibêje: “Folklora kurdan ewçend mezin û fireh e ko em pê dikarin îftîxar bikin û di nav xelkê de serfiraz bigerin. Di folklora me de, bêşik şaherser Memê Alan e. Memê Alan malê miletekî Ewropayî biwa Xwedê dizanê di heqê wê de heta niha çend cild kitêb dihatine nivîsandin. Me kurdan ewçend guh nedayê, ji şaîr û rêberê me ê mezin Ehmedê Xanî pê ve. Belê Xanî berî sê sed salî bi qîmeta vê destançîrokê hesiya û rabû li ser hîmê Memê Alan kitêba xwe a mezin û abadîn Mem û Zîn anî wicûdê. Bi gotinên din Memê Alan bi navekî din bi nav kir û jê re Mem û Zîn got û ferqin xiste navbera çîrokiya xelkê û esera xwe. Ji xwe herwekî nas e, Xanî bi hênceta çîrokê deng li miletê xwe kir û dil kir ko wî li nijad û qewmiyeta wî hişyar bikit.Ji hingê ve ji 300 salî bêhtir wext di ser me ve çûne. Kesî guh neda Memê Alan, heta roja ko kurdîzanê hêja û bilindpaye Mr. Roger Lescot ew digel tercimeke fransizî gihande çapê.“