Gelo aniha jî ez hîn herî pir ji rengê sor hez dikim, nizanim. Kî dibêje bila bibêje û wê hîn pir bibêjin, reng û hezkirina rengan tim weke xwe dimînin, bawer nekin. Reng jî derban dixwin, birîn dibin, diqarin, dîl têne girtin û carinan di nava valahiya nava me, aso û Xwedê de dimirin. Ez hîn jî pir ji sor hez dikim û ji aliyekî ve jî pir jê ditirsim. Çima wiha ye, ez vê jî nizanim, lê dibêjin rengê sor zeman bi mirovan dide jibîrkirin, dibêjin bi her kesî, hema hema bi her kesî re, sor, zeman dide jibîrkirin.
Bu içerik için henüz paylaşım yok.